[自家]韭菜餃

星期日又可以花多少少時間整晚餐

突然手痕想試包餃子

其實第一次包

材料錢只係廿五蚊

絕對係功夫之作，洗洗、切切、醃醃、包包

不過，獵人先生食左一隻之後高呼好味

就算幾多功夫都值得囉

新買回來的花花碟。。呵呵

獵人先生對蝦敏感

所以特別包左兩款不同包法去分辨有冇蝦

材料：水餃皮、豬絞肉、韭菜

其實基本是這三樣（同埋各人包的數量口味都不同，肉多菜少家多菜少肉，所以上面的分量自己決定）

不過我自己就再加了冬菇、蝦（只用了雪櫃的急凍蝦，不過已經好好味）

做法：韭菜洗淨，切粒

豬絞肉先加一兩湯匙水順時針攪拌，再用豉油、糖、豆粉、酒、胡椒粉、麻油醃一小時

將韭菜加入豬絞肉

準備好餃子皮、一碗水、餡料就可以開始包

如果好似我咁想加埋冬菇同蝦就多兩個步驟

冬菇浸軟切粒、蝦用鹽同胡椒粉略醃

臨包之前將這兩樣撈落餡料就可以包囉

包完想煮、蒸、煎就隨你喜歡囉

加個米粉、上海麵、烏冬都仲得

不過其實１０隻已經幾飽

今次我就煮

不過就整左個汁，嫌煩可以唔整

蒜頭切碎、加入滾油，然後再加豉油、糖、鎮江醋（多少又係隨自己口味加多減少啦。。試味很重要呢）